P’un a ydych eisiau symud swyddi neu ddychwelyd i’r gwaith, mae llawer o opsiynau i’w hystyried i ddod o hyd i waith sy’n addas i chi. Wrth ofalu rydych hefyd yn datblygu sgiliau newydd neu’n gwella rhai sydd gennych eisoes. Mae’r sgiliau hyn yn werthfawr i gyflogwyr. Er enghraifft, cael sgyrsiau anodd, trefnu tasgau dyddiol, neu reoli cyllidebau.
Os ydych yn hawlio Credyd Cynhwysol ac angen gweithio, gellir lleihau nifer yr oriau o waith neu chwilio am waith y mae angen i chi eu gwneud bob wythnos i’ch galluogi i gyfuno gwaith a gofalu. Bydd eich anogwr gwaith yn eich helpu i chwilio am waith sy’n darparu’r hyblygrwydd rydych ei angen.
- Os nad ydych chi’n siŵr ble i ddechrau gyda’ch chwiliad swydd, dilynwch ein saith cam i wella’ch cyfle o ddod o hyd i waith – o ddarganfod beth rydych yn dda yn ei wneud, i ysgrifennu eich CV ac ymlaen i wneud cais am swyddi.
- Os ydych eisiau cyngor ac arweiniad arbenigol am ddim ar chwilio am swyddi, ysgrifennu CVs, mynd yn ôl i’r gwaith, adfywio sgiliau a dilyniant gyrfa, ewch i Cymru’n Gweithio (gwefan allanol)
- Angen diweddaru eich CV neu greu un newydd? Gall ein tudalen CVs a llythyrau eglurhaol helpu.
- Gall dychwelyd i’r gwaith deimlo fel cam mawr i’w gymryd. Archwiliwch y Pecyn Cymorth Returner GOV.UK (gwefan allanol) neu nodwch a datblygwch eich sgiliau a magwch hyder ar Ofalwyr Cymru (gwefan allanol).
- Os ydych yn gofalu am rywun yn rheolaidd, efallai y byddwch yn gymwys i gael cymorth cyflogaeth penodol drwy Cysylltu â Gwaith (gwefan allanol) ac os ydych wedi bod allan o waith am 6 mis neu fwy, efallai y byddwch yn gymwys ar gyfer y cynllun Ailddechrau (gwefan allanol).
- Os ydych chi eisiau adnewyddu eich sgiliau presennol, neu efallai rhoi cynnig ar rywbeth hollol newydd, gall gwefan Skills for Careers (gwefan allanol) eich helpu i ddod o hyd i gyfleoedd dysgu newydd i wella’ch cyfle o ddod o hyd i waith.
- Gallwch hefyd chwilio am gyflogwyr sydd wedi’u hachredu fel rhai hyderus wrth ddarparu cymorth i weithwyr sy’n gofalu am rywun. Darganfyddwch fwy am y rhestr Carer Confident Employers (gwefan allanol)
- Gall rhai mathau o waith fod yn fwy hyblyg nag eraill. Os ydych chi wedi archwilio’r holl opsiynau cymorth yn eich rôl bresennol ond angen mwy o help, gallech edrych ar wahanol rolau i weld a ydynt yn fwy hyblyg.
- Os ydych chi eisiau magu eich hyder a’ch sgiliau, gallwch ddarganfod sut i wirfoddoli yn eich cymuned leol ar GOV.UK (gwefan allanol).
- Os ydych dros 50 oed, gall y wybodaeth ar Eich Gwaith – MOT Canol Oes helpu i’ch cynghori ar ddod o hyd i swydd, gofalu am eich iechyd corfforol a meddyliol a rheoli eich cyllid.
- Cael eich ysbrydoli. Darganfyddwch sut aeth Nadene yn ôl i’r gwaith ar ôl gofalu am ei gŵr – stori Nadene.