Skip to content

Prosiect Cymunedau am Waith (CfW) yng Nghymru

Wedi’i ariannu trwy Gronfa Gymdeithasol Ewrop, mae Cymunedau am Waith (CfW) yn darparu help un i un i bobl sydd angen cymorth ychwanegol i ddod o hyd i waith. Mae yna lawer o wahanol ffyrdd y gallai CfW helpu. Er enghraifft, mae’r gefnogaeth y gallech ei gael yn cynnwys:

  • Hyfforddiant ac addysg
  • Ysgrifennu CV, creu cyfrifon ar gyfer indeed/dod o hyd i swydd ac ati a gwneud ceisiadau am swyddi
  • Awgrymiadau a thechnegau cyfweld
  • Cefnogaeth Kickstart
  • Cyfleoedd i wirfoddoli a lleoliadau gwaith
  • Dod o hyd i gyflogaeth â thâl
  • Cyngor ar gyfer dod yn hunangyflogedig
  • Cyfrifiadau gwell eich byd
  • Cymorth iechyd meddwl (fel pryder, straen ac iselder)
  • Helpu gyda hyder a chymhelliant
  • Help gyda chyfrifiaduron
  • Cefnogaeth lles

Mae CfW yn agored i’r sawl sydd:

  • rhwng 16 a 24 oed a ddim mewn cyflogaeth, addysg na hyfforddiant,
  • neu dros 25 oed ac yn cwrdd ag un o’r meini prawf canlynol: 
    • Bod â chyflwr iechyd sy’n cyfyngu ar waith 
    • Yn gofalu am oedolyn neu blentyn
    • Wedi bod allan o waith am 12 mis neu fwy
    • Yn ddi-waith a heb hawlio unrhyw fudd-dal

Mae’n hawdd gwneud cais os ydych chi’n meddwl eich bod chi’n gymwys i gael y gefnogaeth.

Y cyfan sy’n rhaid i chi ei wneud yw e-bostio eich enw llawn, cyfeiriad (yn cynnwys cod post) a rhif ffôn, i’r ddolen e-bost hon atgyfeiriadau CfW.

Yna anfonir eich manylion at ymgynghorydd CfW yn ardal eich awdurdod lleol, a fydd yn cysylltu â chi i drefnu cyfarfod i wirio’ch cymhwysedd a mynd trwy sut y gallant helpu.